Kampanja e avokimit të Rrjetit për Zhvillim Demokratik për të gjitha komunitetet zhvillohet në nëntë komuna

Përfaqësuesit e OJQ-ve të Prizrenit dhe të institucioneve lokale diskutojnë për fëmijët e rrugës dhe të drejtën në arsimim

Në gusht të vitit 2005 Rrjeti për Zhvillim Demokratik (RrZhD) ka lansuar një kampanjë të re avokuese multietnike në nëntë komuna të Kosovës në rajonet ku jeton komuniteti shqiptar, ai serb si dhe në rajonet ku jetojnë etnicitetet e përziera.

Kjo iniciativë financohet nga Misioni i OSBE-së në Kosovë dhe implementohet nëpërmjet të Rrjetit të nëntë qendrave të RrZhD që ndodhen në Dragash, Gjakovë, Leposaviq, Mitrovicë, Pejë, Prizren, Ropotovë (Kamenicë), Shtërpcë dhe Zubin Potok.

Tre aktivitetet e para kanë shtjelluar të drejtën në arsimim, mbrojtjen e ambientit si dhe mungesën e energjisë elektrike që i prek të gjitha komunitetet vendore. Pyetësoriët janë dorëzuar në secilin lokacion 100 personave të moshës, gjinisë dhe etniciteteve të ndryshme me qëllim të gjetjes së perceptimit publik të problemit dhe zgjidhjeve të mundshme.

Rezultatet e anketimit pastaj janë diskutuar në një seri të tryezave të rrumbullakëta duke përfshirë organizatat relevante të shoqërisë civile, grupet e interesit, përfaqësuesit e institucioneve locale dhe përfaqësuesit e mediave. Një seri e rekomandimeve janë nxjerr për secilën temë të diskutuar dhe janë përcjellur institucioneve relevante për t’u marrë me këtë çështje më tutje. Aktivitetet shtesë janë inicuar dhe monitoruar.