Promovimi i demokracisë dhe tolerancës

Mbledhja themeluese e Rrjetit për Zhvillim Demokratik (NDD) në Brezovicë, më 17 korrik 2003

Rrjeti për Zhvillim Demokratik (RrZhD) është asociacion i 13 Qendrave të Komuniteteve dhe Qendrave të Resurseve të OJQ-ve (QRO) në Kosovë, i themeluar nga Organizata për Siguri dhe Bashkëpunim në Evropë (OSBE). Rrjeti synon ta zhvillojë dhe promovojë shoqërinë civile multietnike dhe tolerante të bazuar në parime demokratike. RrZhD është themeluar në Brezovicë më 17 korrik të vitit 2003 me përkrahjen e Departamentit të Demokratizimit të Misionit të OSBE-së në Kosovë (OMiK).

RrZhD promovon dhe përkrahë plotësisht iniciativat individuale të ndërmarra nga qendrat anëtare dhe zbaton projektet në tërë Kosovën nën ombrellën e vet rrjetit.

Në vijim mund të lexoni për aktivitetet e disa qendrave, në hollësi. Për më tepër informata, klikoni në linkun përkatës në kolonën e djathtë.
Rrjeti i udhëheqësve të fshatit Ropotovë
Ndërsa punonte në statistikat mbi gjendjen e fshatërave serbe, në mars të vitit 2003, personeli i Qendrës së Komuniteteve në Ropotovë kuptoi se udhëheqësit e fshatërave janë burim shumë i dobishëm i informatave, që do të mund t’i shërbenin komuniteteve të tyre. Shumë shpejt u bë e qartë se nga organizimi i një takimi të përbashkët me të gjithë udhëheqësit e fshatërave, që do të rezultonte në formimin e rrjetit, do të mund të përfitonin të gjithë. Ndaj dhe u morr vendimi që takime të tilla të mbahen çdo muaj në Qendrën e Komuniteteve ose në Shkollën Fillore në Ajnoc. Takimi i parë u mbajt në Qendrën e Komuniteteve në Ropotovë, në prill të vitit 2003. Lexo më tepër...

Fëmijët pikturojnë për paqe dhe tolerancë në Fushë Kosovë

Më 4 tetor të vitit 2003, dy grupe fëmijësh nga shkolla vendore e artit shkuan në Brezovicë në një seminar njëditor, për të vizatuar në ambient të hapur. Me këtë rast, ata mbajtën orë mësim të vizatimit në mal, dhe më pas, kaluan ca kohë të lirë duke shetitur apo edhe duke u marrë me aktivitete tjera sportive.

Ky takim pune ishte pjesë e projektit gjashtë mujor, “Pikturim për paqe dhe tolerancë”, një aktivitet multietnik që përfshin fëmijët shqiptarë, serbë, ashkali dhe romë të Kosovës. Lexo më tepër...

Rrjeti Rinor i themeluar në Gjakovë

Në bashkëpunim me Akademinë Kosovare të Shoqërisë Civile, Qendra e Resurseve të OJQ-ve në Gjakovë mbajti një mbledhje më 3 dhjetor 2003 për ta themeluar një rrjet rinor. Takimi u mbajt në hotel “Pashtrik” dhe në të morrën pjesë përfaqësuesit e 13 OJQ-ve rinore dhe 10 grupeve rinore. Lexo më tepër...