Aktivitetet kryesore të çdo qendre anëtare të Rrjetit për Zhvillime Demokratike (RrZhD) përqendrohen në përkrahjen e komuniteteve lokale dhe OJQ-ve, në përgjithësi dhe në ndërtimin e kapaciteteve të tyre avokuese dhe qëndrueshmërinë afatgjate, në veçanti. Në këtë mënyrë, ne dëshirojmë ta krijojmë një shoqëri civile aktive në tërë Kosovën, ashtu që qytetarët të kenë dobi nga qeveria e përgjegjëshme dhe pjesëmarrëse. Ne i ofrojmë ndihmë OJQ-ve, individëve dhe grupeve të komuniteteve që nga fillimi, në fazën fillestare të regjistrimit dhe pastaj më vonë përmes ndihmës së vazhdueshme logjistike dhe qasjes në objektet e qendrës.

Çdo menaxher i qendrës zakonisht shërben si pikë e parë e kontaktit ndërmjet OJQ-ve dhe UNMIK-ut dhe bashkëbiseduesve të tjerë ndërkombëtarë. Kështu, njerëzit vijnë në qendrat tona çdo ditë për t’i adresuar brengat e ndryshme dhe për të kërkuar këshilla dhe përkrahje. Të shumtën e rasteve problemet e tyre kanë të bëjnë me të drejtat e njeriut ose me çështje të pronësinë. Ata vijnë në qendra kryesisht për shkak se nuk kanë qasje në institucionet, që janë të vendosura në Prishtinë. Në situata të tilla, Qendra e RrZhD shërben si ndërlidhje midis individëve në fjalë dhe, për shembull, Departamentit për të Drejta të Njeriut të OSBE-së, Këshillit Norvegjez për Refugjatë (NRC), ose disa organizatave të tjera që ofrojnë këshilla dhe përkrahje ligjore.

Secila qendër i implementon veç e veç projektet e veta, shumica prej të cilëve deri më tash kanë bërë përçapje që përmes mobilizimit më të madh të komuniteteve të inkurajojnë dialogun ndërkulturor.

Një përzgjedhje e aktiviteteve të qendrave të RrZhD:

• Menaxhimi dhe zhvillimi i kapaciteteve komunikuese të rrjetit RrZHD (WMN-Projekti i rrjetit multietnik të Web-it);
• Zhvillimi i strategjisë për OJQ-të lokale;
• Monitorimi i punës së kuvendeve komunale dhe zyrtarëve të zgjedhur;
• Fushata avokuese për të gjitha çështjet, duke filluar nga zbritja e tatimeve e deri te qeverisja transparente;
• Forcimi dhe fuqizimi i shoqërisë civile përmes takimeve të rregullta për bashkërendimin e veprimtarisë së OJQ-ve;
• Këshilla ligjore pa pagesë për përfaqësuesit e minoriteteve;
• Formimi i rrjeteve rinore;
• Forcimi i lidhjeve me Policinë në Komunitet;
• Funksionimi dhe drejtimi i qendrave të Internetit;
• Organizimi dhe menaxhimi i kurseve për zhvillimin e shkathtësive të ndryshme, që nga orët e gjuhëve e deri te trajnimet për menaxhim;
• Klubi i filmit;
• Shtypja e buletineve informative lokale;
• Drejtimi i rrjetit për udhëheqësit e fshatërave;
• Promovimi i të drejtave të njeriut.

Disa aktivitete të planifikuara për të ardhmen:

• Aktivitete të vazhdueshme për ndërtimin e kapaciteteve të OJQ-ve lokale;
• Forcimi i grupit vendim-marrës të komunës;
• Debate të vazhdueshme për bashkëpunimin midis qeverisë komunale dhe shoqërisë civile.

Klikoni në faqet e qendrave në të djathtë për më shumë detaje dhe informatat e fundit lidhur me aktivitetet e RrZhD.