Bukuritë dhe pasuritë e Kosovës

Lokacionet e Qendrave të RrZhD në Kosovë

Historia më e re e Kosovës është e njohur për konfliktin që shpërtheu në vitet 1998-1999. Lufta pati pasoja të rënda për tërë rajonin, së këndejmi këto pasoja hetohen edhe sot e kësaj dite. Mirëpo, më e rëndësishmja është se Kosova që nga viti 1999 është vënë nën administrimin e Kombeve të Bashkuara (UNMiK) me qëllim të lehtësimit të stabilizimit dhe demokratizimit të tërë rajonit.

Është e udhës që të vihet në dukje se atë që njerëzit nuk e shohin në lajme apo nuk e dëgjojnë në radio, është se Kosova është një rajon i bukur i botës, me një histori mahnitëse dhe me njerëz shumë zemërgjerë. Kosova ka qenë për shumë kohë e njohur në tërë Ballkanin dhe ish-Jugosllavinë për bukuritë e veta, burimet natyrore, dhe traditën e begatë.

Trashëgimia e pasur kulturore e Kosovës koincidon me praninë e shumë grupeve të ndryshme etnike që jetojnë së bashku me shekuj (shqiptarët, serbët, boshnjakët, turqit, romët, etj. të Kosovës). Ky është një realitet i cili ia vlen të ruhet me qëllim që të mos lëshohet rasti që të mësohet nga shumëllojshmëria dhe të promovohet toleranca. Është pikërisht ky sens për barazinë që i lidh qendrat e RrZhD.