Shumica e Qendrave të RrZhD ofrojnë shërbime shumë të ngjashme. Meqë rrjeti përbëhet jo vetëm nga Qendrat e Komuniteteve (QK), por edhe nga Qendrat e Resurseve të OJQ-ve (QRO), disa anëtarë u ofrojnë më shumë shërbime OJQ-ve se të tjerët. Megjithatë, funksionet e tyre elementare janë të njëllojta, pra që të gjitha japin këshilla dhe ofrojnë mbështetje aty ku ka nevojë. Qëllimi i këtyre shërbimeve që ofrohen është shumë i qartë, përmirësimi dhe avansimi i zhvillimit të shoqërisë demokratike, tolerante dhe që i respekton të drejtat, në Kosovë.

Një pjesë e madhe e punës së përditshme përfshin prezantimin e interesave të ndryshme të qytetarëve tek qeveria lokale, për të siguruar artikulimin e nevojave dhe halleve të qytetarëve. Në këtë mënyrë, RrZhD promovon një qasje transparente dhe bashkëpunuese ndaj marrëdhënieve qytetar-elektorat. Në vijim po i japim shërbimet kryesore të cilat ofrohen në secilën qendër.

Shërbimet kryesore të ofruara nga qendrat e RrZhD:

• Ndihma për regjistrimin e OJQ-ve lokale;
• Këshilla pa pagesë në shumë fusha (formulimin e projekteve, ligjore, financiare, menaxhment);
• Përkrahje dhe përgatitje për organizimin e kurseve trajnuese, seminareve, takimeve dhe debateve;
• Shpërndarja e literaturës dhe informatave relevante në bazë të kërkesave të OJQ-ve;
• Ndërmjetësimi dhe promovimi i bashkëpunimit dhe këmbimit të informatave ndërmjet OJQ-ve dhe autoriteteve komunale;
• Krijimi i kontakteve me donatorët dhe mediat;
• Shërbime të internetit dhe të fotokopjimit;
• Shpeshherë mundësohet edhe huazimi i zyrave për mbledhje.